sea shore, originally uploaded by http://www.flickr.com/people/kolyoumblogspotcom/.the sun srt on the shore of my home ,magic view..
لما تقعد ع الحجاره المرصوصه جنب بعضها كدا كأنها لوحه رسمها فنان مبدع وتقع عينك على قرص الشمس ويفكرك بالبنت الحلوه اللى من الكسوف وشها احمر زى لون الورد بالظبط من كتر كسوفها رايحه تستخبى فى قلب البحر وتختفى عن عيونك
وأنت تقولها بلاش تروحى الكون هيبقى ضلمه فبسرعه اوى تلاقى الموج ورا بعضه بيجرى عليك وانت تبعد وتجرى عشان طعم البحر ميبلش بنطلونكوكأنه بيقولك مكانها هنا فى حضنى انا مفيش فى الكون حد يقدر يساع الشمس وياخدجها فى حضنه غيرى انا.
فتقعد زعلان عشان هتروح وتسيبك الشمس وفجأه لما تغيب وتروح وانت كمان هتبقى خلاص قربت تروح انت كمان يسحرك البحى ونجومه كأنها خرجت من قلبه عشان تنورك صفحه من صفحات البحر لجل تستنى معاه شويه
ساعتها تحس بلون الفضه منشور فوق صفحه سودا مش عارف دى لون البحر بصحيح ولا دى السما من كتر صحبتها للبحر بهتت عليه .
وتبقى مش عايز تفارق وتسيب البحر وتمشى تروح انت كمان لكن...صوزت الموج بيقولك لوجيت بكره وف نفس معادى معاك هتىقينا منتظرينك ....!!!
ســـــــاعتها بس هتعرف انك علـــــــى شط الهوى
شــــــط بورسعـــــــيد
ليست هناك تعليقات:
إرسال تعليق