26‏/04‏/2009

نقطــــــه نظــــــام

فى ظل الظروف الراهنه ومستجدات الساحه العربيه التى نراها يوميا ً
كان لى رأى اردت ان اطرحه عليكم وان نناقشه سويا ً ليست بصفتى شخصا ً من المحللين السياسيين فانا لم اكن يوما ً كذلك ولن ازعم هذا ولكن كل مافى الامر أننى فردا ً من شعب مصرى عربى كل ما يتمناه ان يستيقظ صباحا ً ليجد العالم العربى أصبح بالفعل وطن واحد لايوجد به تقاتل او تناحربين قطاعاته
فنحن فى النهايه اخوه وكثيرا ً ما ننسى هذا ..
ولهذا اردت فقط ان اناقش بعض النقاط ليس من منطلق كونى فردا ً من شعب مصر فقط ، ولكن لكونى فردا ً من شعب الوطن العربى الاسلامى
وأهم تقطه أريد ان اناقشها هنا بل اردت ان افسح لها مجالا كبيره ً وكنت قد ترددت كثيرا ً فى الكتابه عنها لحين أرى ماستؤل إليه الامور ثم تراجعت عن قرارى لان الامر لايحتاج انتظار قرارات عليا وحكم محكمه .
فنحن كشعوب أصبح لدينا وعينا وثقافتنا السياسيه التى بها نستطيع تحليل الامرو بعيدا ً عن حكومتنا التى لن ندافع عنها كثيرا ً بل لابد أن نعترف بأن كل حكومه لديها من الايجابيات وكذلك السلبيات، وهذا مايجبان نتفق عليه اولا قبل البدء فى اى حديث .
فمنذ الحديث عن إلقاء القبض على خليه تعمل لصالح حزب الله على الاراضى المصريه وقامت الدنيا ولم تقعد حتى الان
وكان السلطات المصريه قد أجرمت عندماارادت الحفاظ على سلطاتها على أراضيها ولاادرى لماذا كل هذه الحمله الشعواء ؟؟؟
ليس معنى هذا اننى أؤيد الحكومه المصريه فكما قلت فى البدايه ان كل حكومه ما لها ايجابيات فلها أيضا ً سلبيات
قد تكون الحكومه المصريه قد أخطات فى تعاملها مع القضيه بشكل أو بأخر عندما تركت الفرصه سانحه للاعلام لتازيم الموقف سواء على شاشات التلفاز او على صفحات لجرائد وطرقات الانترنت.
لكن ليس معنى هذا ان السلطات المصريه مخطئه عندما تدافه عن اراضيها وسلامتها وأستقرارها وذلك لعده أسباب أرجو ان تتسع الصدور لعرض وجهه نظرى فيها :
بدايه لابد ان اؤكد ان الشعب المصرى بجميع فئاته يؤيد دعم المقاومه الفلسطينيه والتاريخ يشهد على ذلك وكذلك بعيدا ً عن الحكومات فالشعب المصرى خاض الكثير من المعارك لاجل القضيه العربيه الفلسطينيه .
ولكن أيضا ً ليس معنى هذا ان نقبل بما حدث من حزب الله ابدا ً فقد نسى الجميع او تناسى انه مهما كانت الحكومه المصريه لها سلبيات مثلها مثل باقى حكومات العالم فمن حقها الاحتفاظ بسيادتها لاراضيها ومن حق مواطنيها ان يشعروا بأمن بلادهم ، وكان على الشعب والححكومه المصريه ان تقبل بما حدث ومن دون ان تتفوه بكلمه واحده
هل لوحدث هذا على اى ارض لاى دوله عربيه اخرى بواسطه ا حزب مصرى سيقبل ابناء وحكومه هذه الدوله الوضع ؟؟؟؟
لا اعتقد ان أحدا سيوافق على ها فى وطنه ولا اىحكومه لديها الاستعداد لهذا الوضع أبدا ً، فلماذا تكون مصر مجبره على مثل هذا الوضع ؟!
ثم ان الشعب المصرى لم يكن يوماً ضد حزب الله والسيد حسن نصر الله حتى ان الكثير من المصريين كانوا مع موقف السيد حسن نصر الله فى حرب 2006 ووافقه الراى الكثيرين عندما صرح بأنه لن يسمح لاى دوله من كانت احتلال بلاده او فرض سطوته عليها وأيدنا ه فى حربه مع اسرائيل
أى ان هذا معناه اننا لسنا ضد شخصا ً بعينه او جهه بعينها
___________________________________
من جهه اخرى كُثر الحديث عن الانفاق وان السلطات المصريه تقوم بمحاربتها والقاء القبض على المتورطين ...!
هل يعتقد احداً ان هناك سلطه لا تدرى بما يحاك تحت استار أراضيها
او ان الحكومه المصريه لاتدرى مواقع هذه الانفاق والمتعاملين معها ، بالطبع كلا ...
فالحكومه المصريه تدرى جيداً بكل ما يدورعلى ارض مصر خاصه فى مثل هذه المنطقه لانها تقبع فوق بركان قد يثور فى اى لحظه .
ـــــــــــــــــــــــــــــــــــــــــــــــــــــــــــــــــــــــــــــــــ
من جهه اخرى الكل يحكم على الوضع و هو غير معايش له ، أخوانى نحن المصريين معايشين هذا الوقع تماما وادرى جيدا ً بما يحدث على الارض المصريه
لكن عبثأ ً يحاول الكثيرتشويه صوره مصر لاحداث الوقيعه العربيه وقد نجحوا بالفعل فىذلك .
كل ماأريده فقط ان تتاملوا موقف مصر جيدا ً ، انظروا للخريطه وستعلمون ان الاراضى المصريه محاصره بالمشاكل من كل جهه ولابد للحكومه المصريه ان تكون مستيقظه لكل ما يحدث ، فمن ناحيه فلسطين ووالمعبر المشكله ( معبر رفح ) وكل ما يحدث لجعل سيناء ورفح المصريه مستوطنه بالفتح الدائم للمعبر
من ناحيه اخرى السودان وكم المشكلات الذى يواجهه هذا البلد الشقيق إقليم دارفور والاحتكاكات من اجل اعتقال السيد عمر البشير حتى يتسع الطريق للاطماع الاخرى
ومن ناحيه ثالثه الاراضى الليبيه وقائدها معمر القذافى الذى اصرح بانه قائد الاممين وزعيم القاده الافارقه
كذلك المشكله الكبرى والتى تهدد اقتصاد مصر المتمثل فى قناه السويس بسبب القرصنه الصوماليه التى تهدد الملاحه فى هذه القناه الذى يشكل ايرادها اكثر من ثلث الايردات بالاقتصاد المصرى .
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
كل هذا ليس معناه ان الشعب المصرى مؤيد لسياسه حكومته ، بالعكس فالمصريين انفسهم لهم وجهات نظر مغايره تماما لاراء الحكومه المصريين واصبح الان من السهل التعرف على انتقادات الشعب المصرى لحومته وسلبياتها .
ولكن ليس معنى عدم رضا الشعب المضرى عن اداء حكومته ان يهاجمها بشكل ينعكس على امن وسلامه الاراضى المصريه والمصريين انفسهم .
بالاضافه ألى كل هذا وبسبب طبيعه مصر السياحيه يمكن ان نرى بوضوح جميع جنسيات العالم لكن ... الشعب الاسرائيلى يدرك جيدا ً مدى كراهيه المصريين حكومه وشعبا ً لهم واذا وطات ارجلهم أرض مصر فيكونوا منكرين لهويتهم على الرغم من .... معاهده السلام الذى ياخذونها رخصه يستبيحوا بها حرمه اراضى عربيه كثيره .
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لماذا لاندرك بعين الحقيقه أن كل ما يحدث للوطن العربى هذا مدبر لان اى عدو من مصلحته إحداث الوقيعه بين الاخوه حتى يسهل عليه ان ينفرد بكل منهم على حده ليصل الى مطامعه ...؟؟!
لماذا لا نترك خلافاتنا الداخليه بعيدا ً ونحاول ان نبدأ من جديد لنكون يداً واحد حتى نحطم كل القيود الت تحول بيننا وبين ان نعود رواد التقدم فى العالم ليعةود الوضع الى طبيعته ...؟؟!
لماذا لا نصبح وطن عربى متحد ليس مجموعه دول عربيه لا ..بل دوله عربيه واحده فى جميع الوطن العربى ليتحق لنا ولاولادنا بالعالم العربى كله مستقبل افضل ...؟؟!
لماذا لا ننظر إلى مايجرى فى بلدان عربيه كثيره ياتى على رأسهاالعراق وفلسطين ونحاول ان نلم شتات انفسنا حتى لايأتى الدور على دوله اخرى فيصبح كل الدول العربيه ( العراق ، فلسطين ، سوريا ، لبنان ، السودان ،......)
محتله ومن عدو واحد المصيبه اننا جميعا ً نعرفه جيدأً لكن ندفن رؤؤسنا بالرمال وكاننا لانراه ..
إخوانى نحن اخــــــــــــوه وليس بأستطاعتنا أن نختار اشقاءنا لكن بأسطاعتنا ان نختار ماذا نكون ...نحن اخوه بفضل الدين واللغه والجيره والكثير من الامور التى تبطنا بروابط أقوى واكبر من صله الدم أيضا َ
فالاتحــــــــــاد قـــــــــــوه ..... والتشتت ضعـــــــف وانهيار !

18‏/04‏/2009

هنشــــــــــم ..عيد الربيــــع

الايام دى إحنا فى الربيع وبنحتفل بعيد الربيع أو بنسميه عيد شم النسيم

شم النسيم ده له جذور من زمااان فى التاريخ الفرعونى على وجه الخصوص يعنى حدوه البيض الملون والفسيخ والملانه والحواديت دى كلها مش من فراغ لاء ، دى حاجه اتعودنا عليها من الاجداد

يعنى من حوالى 5000سنه كدا يعنى بالتحديد الاسره الثالثه2700 ق.م .واطلقوا عليه عيد الشموس ثم حرف الاسم بمرور الزمن خاصه بالعصر القبطى إلى شم واضيفت إليه النسيم نسبه إلى الربيع وكان القدماء يحتفلون ب احتفال رسمى كبير فيما يعرف بأنقلاب الربيعى وهو اليوم الذى يتساوى فيه الليل و النهار وكانوا يجتمعون امام الواجهه الشماليه للهرم وقت الغروب حيث كان قرص الشمس يبدو وكانه يجلس فوق قمه الهرم .

يعنى مثلا أذكر من حكايات شم النسيم اللى أنا فاكرها ، دميه اللنبى

أيوه ودى حاجه مشهوره بيها مدينتى بورسعيدعلى وجهه الخصوص ، ليله شم النسيم كل واحد بيقعد يعمل دميه كدا من الملابس القديمه والحاجات اللى مش محتاجينها وتتحرق بالليل الساعه 12 ن طبعا ً حكايه الحريقه دى اتغلت من زماان عشان لها اخطار كتير

اللنبى ده يا جماعه - مش محمد سعد طبعاً _ لاء ده كان احد لوردات وحكام الاحتلال الانجليزى ، وكنوع من التهكم والسخريه من الاحتلال الانجليزى فى شكله اللورد اللنبى قام بقى اهل المدينه بعمل دميه على شكله وقاموا بحرقها كل سنه فى عيد شم النسيم لحد ما بقت الحكايه دى عاده تتوارثها الاجيال

ومش بس كدا لاء ده كمان بقيت بيتعمل لها معارض كل سنه فى شم النسيم كل سنه بتتناول عرض دمى اللنبى موضوع يمس حياه الشعب بالدرجه الاولى وبيظل المنظمون والموهوبون فى الفن الكاريكيتري يحضرول للمعرض ده من فتره طويله جدا قبل شم النسيم .

افتكر كمـــــان الفسيــــــــــخ - ده بقى مش محتاج كلام _ كلنا بناكل الفسيخ فى شم النسيم بس اكل الفسيخ إحتلف دلوقتى عن زماان يمكن مفيش فرق كبير فىالفسيخ نفسه اللى هوا السمك المملح لكن الفرق فى العادات

يعنى مثلا زماان الناس كانت بتخرج للمنتزهات والحدائق عشان تشم النسيم يعنى تشوف منظر زهور الربيع والهوا المنعش الل بيجدد فينا كل الذكريات الحلوه دلوقتى الموضوع اتغير بقيت عشان تروح أى حديقه او منتزه لازم لازم تشم رائحه الفسيخ فى كل مكان بدل رائحه الزهور وعبيرها الممتع

ومش بس كدا لاء ، وكمان تشوف اكوام من البشر ناصبه خيام وقاعده مغطيه اللون الاخضرالجميل اللى بيريح العين كأنك فى خيم الايواء .

تعبنا نقول يا جماعه دى حديقه يعنى عشان نشم عبير الازهار ونشوف الاشجار واللون الاخضر الرائع مش عشان نقعدج نأكل الفسيخ ونملى الجو برائحه غير محبوبه بالمره ، نحتفل ماشى ونفرح وكمان نغير جو بعيد عن ضغوط الحياه الكتير جدا ً بس برضه فى نفس الوقت لازم نحافظ على البيئه اللى احنا عايشين فيها عشالان اى حد يقدر يستعمل المكان ده بنفس الطريقه ونفس جودته وكفأته اللى انت استعملته بيها

أه ...كمان فى حاجه مهمه جدا ً نسيت احكى لكم عليها .

المانجؤؤنه

يمكن تقولوا لى ايه المانجؤؤنه دى ، هقولكم دى احد انواع المعجنات اللى بتتعمل احتفالا بشم النسيم مخصوص

ودى صوره بسيطه ليها اتفضلوا بالهنا والشفـــا

وأكــــــــتر حاجه مهمه بقى بالنسبه لى هيــــــا

البيض الملــــــــون

زماان وانا صغيره كنت بحب اوى أقعد ألون البيض احمر واخضر و اصفر واحمر

مكنتش عارفه هوا إزاى ماما بتخلى البيضه اللى لونها ابيض دى لونها اجمر كدا وجميل وكنت اقعد اتفرحج عليها لحد ما كبرت شويه صغننه واتعلمت أزاى الون البيض بالالوان الشمع والفلومستر والخشب

وبعديييين لما كبرت شويه كمان قالوا لى إن الالوان غلط ومضره بالصحه ف بقيت الون بألوان طبيعيه يعنى مثلا:

ألون بمغلى الكركديه عشان أخد لون احمر

ومغلى الشاى عشان اللون البنى الفاتح

ومغلى ورق البصل عشان اخد اللون الاصفر

وهكذا .....

ودلوقتــــى لا املك سوى ذكرياتى هذا لاحكيها لكم وأنتظر منكم ان تشاركونى حكيات شم النسيم و ذكرياتكم مع هذا اليوم الرائع

أه وكمان لا تنسوا اكل الفسيخ ... وكمان تلوين البيض

12‏/04‏/2009

خربشــــــات و ...

شخابيـــــــــــــط
آخــــــر الأمثــــــال..
والله يابلاش ،
جت الحزينه تفـــــرح ..
شغلت شريط حكيم وقعدت ترقص
أصوم..أصوم ،
وأفطر على المدفع
إطبخــــــى يا جــــــاريه ..
الأنبوبه فاضيه يا سيدى
لو حبيبـــــــك عســــل..
إوعى تحط له طحينـــــــــه
إلى يأكل لوحـــــــده يشبـــــــــع
( أه ، مبحبش حد يبصى لى فى الاكل )
إلى معــــاه قرش ومحيره ..
يجــــــــيب حمــــــام ويحمـــــــره
( بس خالو بالكم من انفلونزا الطيور )
العـــــــــين عليها ،
لنـــــــــــسس
قالوا للحرامى إحـــــــلف قال :
وحيـــــاه قلبى وافراحـــــــــه
من خـــــرج من داره ..
مينساش ياخد المفتـــــــاح معــــاه
إقطـــــــــع عــــــــرق ،
وحتــــــــه بتلــــــــــو
القــــــــرش الابيض ،
بيعوم فى البحـــــــر الاحمـــــــر

10‏/04‏/2009

أحــــــــــــــــــلامــــــــى ..!!!

_ 1 _
بحـــــــــلم ..أكون زى السمــــــــــــا
مليان طهـــــــاره و نضاره وصفــــــا
_ 2 _
بحـــــــــــلم .. أكون زى القمــــــــر
وسط النجــــــــوم مليان ضيـــــــا
_ 3 _
بحـــــــــلم ..أكون زى السحـــــــب
ينزل مطر...يمحى الضبــــــاب
_ 4_
بحــــــــــلم... اكون زى المطر
يروى العطـش فى قلب البشر
_ 5 _
بحــــــــلم ... أكون زى الحمــــــام
من غير ما يقصد رمز الســــــــلام
يطرح فى نور وسط الغيـــــــوم
_ 6 _
بحـــــــــلم ..أكون زى الحــــــــروف
من غــــــــير كـــــــلام كاتبه رسايل للألوف
بتقـــــــــول :
ما تيجوا نعيش فى ســـــــلام من غير خوف ..!!

07‏/04‏/2009

لكــــل قاعده شـــــــــــــــواذ....!!!

لكـــــل قـــــاعده شــــــــواذ ..
كــــــلام جميل جدا ً، وبنسمعه كتير لكن مش بنفكر فيه...
والنهارده بقى جيت لنا الفرصه إننا نفكر شويه فى حياتنا وكلامنا
لما بتحصل حاجه غريبه او مكنتش متوقع حدوثها تلاقى الناس تقولك عادى ماهو لكل قاعده شواذ ...

طيب ، هوا يعنى كل حاجه ف الدنيا ليها شواذ
أيـــــــــــون ..
طيب يعنى هوا مفيش حاجه فى الدنيا دى مالهاش شواذ خالص
لاء مفيش أصل القاعده ان لكل قاعده شواذ
طيب ، حيث كدا بقى ان القاعده دى ذات نفسها لها شواذ
شــــــــواذ ...إيه الكلام العجيب ده !!
أه اكيد طالما لكل قاعده شواذ يبقى القاعده دى ذات نفسها لها شواذ
ماشى هناخدك على قد عقلك .
لما القاعده لها شواذ ...هيا ايه بقى شواذ القاعده ؟؟؟
عظـــــــــيم ...
شواذ القاعده دى إن اكيد فى قـــــاعده ملهاش شواذ ..
إيه اللخبطه دى ....
تقولى إن لكل قاعده شواذ ومفيش قاعده ملهاش شواذ وبعدين ترجعى تقولى ان فى
قاعده ملهاش شواذ
ايه الكلام الكبير ده .......مش فاهم حاجه انا خـالص !!
افهمك يا سيدى كل حاجه ..
القاعده بتقول ان ( لكل قاعده شواذ )
يعنى.....
شواذ القاعده دى ذات نفسها ان فى قاعده ملهاش شواذ
إيه الهبل ده ..!!!
طيب يا فالحه قولى لى بقى هيا ايه القاعده اللى ملهاش شواذ دى ..
أنا اللى أقولك ...ولا انت بقى يا حلو اللى تفكر وتقولى ..؟!

يعنى مثلا انتى عايزه تقولى أن كل حاجه فى الدنياليها شواذ بس فى حاجه واحده بس مالهاش شواذ

أأأيــــــــــــــون ..كدت فهمتونى ..

يعنى مثلا لما نقول أن كل الاختلافات اللى فى الدنيا دى لها مصدر واحد نتجت عنه

مثلا ً ::

الارض واحده وبنيجى إحنا تنزرع شجره مانجو وشجره برتقال

طيب إزاى الارض واحده لكن خرج منها نوعين من الاشجار .

هوا ده اللى انا عايزه أقوله ،،

أن الحاجه الوحيده اللى ملهاش شواذ هى ...هى ...هى....

الأصــــــــــــــــل

أيون اصل الاشياء هوا الحاجه الوحيده اللى مفهاش شواذ لان خرجت منه كل الفروع اللى اتفرع منها فروع و بقى لها شواذ والشواذ لها شواذ....وهكذا .

يعنى لو هنقول :

أصل الانسان ..التراب

ما آدم اتخلق من تراب وماء

أصل الكون ...الماء

ما أصل وخلقنا من الماء كل شئ حى

يبقى لو رجعنا وقولنا أصل كل حاجه فى الدنيا دى إيه ...عنلاقى نفسنا فى كل مره بندور فيها على الاصل بنرجع لأصل واحد بس ..

عارفينه ...طبعا ً هوا موجود وحاسينه فى كل حايتنا لكن عمرنا ما فكرنا نلجأ لأصل كل الاصول اللى فى الدنيا دى غير بس ...لما بيكون عندنا مشكله مش قادرين نحلها .

الذات الالهــــــــــيه ...

أيوه خالق الاكوان ...الهى

ربنـــــــــا

الله

يااااه قد ايه الكلمه دى حلوه جدا ً ..ربنا

أصل كل الاصول اللى فى الدنيا والحقيقه الواحده اللى مجةده فى الدنيا هو مالك كل حاجه والوحيد اللى يقدريتحكم فى القواعد كلها والشواذ كلها ..

شفتتوا بقى قد ايه احنا قدامنا الحل لكل مشاكلنا ودايما بنهرب لحلول تانيه كلها مؤقته زمى المسكنات

يلا بينـــــــا نرجع كل للأصل ...أصل كل الاصول

الله

01‏/04‏/2009

منـــــــــــاجـــــــــــــــــاتى

إلهـــــــــــــــى...يا مبدع الكـــــــــون

_1_

علمتنى كيف أحب فيك الحياه .. طوقتنى بحبك ورحمتك من كل الجهات.

اغرقتنى بشوقى إلى لقياك.. وإحساس بالناس وحنان .

صرت لى المرسى ... وصرت لى طوق النجاه .

_ 2 _

فيك الحب يا إلهى ..لا يمكنى التخلى عن دربك .

حبك يدفئ حياتى .. حبك ينعش روحى.

دعنا نعيش الحياه برضاك .

_ 3 _

دعونا نعيش بلا غيوم على القلوب...

فيك يا ربى شعائر الدنيا لا تكــــــفى ..

حبى لك لا يكفـــــى ملايين القلوب..

_ 4_

لا تظنوا أنى نسيته .. فهو أغلى من نفسى .

وضعت احرفه فى قلبى ...

حفظته كتابى ..حفظتك يا قــــرآنى.

_ 5_

دعنى أقول إنى أحبـــــــك .

دعنى أقول أنك حبــــــــى مهما كانت الظروف.

أحبك ياإلهى ..لا يمكن الحياه من دون رضــــــاك.

_ 5_

انت روابط حيــــــــاتى ..انتى ملجأى ومــــــلاذى .

انت القـــــــلب الحنون الذى يضم..

انت كل دنيـــــــــــاى.

يا إلهـــــــــــــــــــــى....

منمنمــــــــات ....
* إذا وضعنا الله أما أعيننا أينما نذهب ... تحولت حيـــــــاتنا إلــــــى
(( مدينه فاضلــــــه )).
* حقـــــــاً،إذا ضــــاع الأيمــــــان ...فلا أمــــــــان .